ସଂସଦରେ ଅଚଳାବସ୍ଥା

ମୌସୁମୀ ଅଧିବେଶନ ରାଜନୈତିକ ଅନ୍ତର୍ଦ୍ୱନ୍ଦ୍ୱ ଏବଂ ପ୍ରକ୍ରିୟାଗତ ବାଧା ଦ୍ୱାରା ପରିଚାଳିତ ଏକ ଗଭୀର ସଂସଦୀୟ ଅଚଳାବସ୍ଥାକୁ ସ୍ପଷ୍ଟ କରୁଛି । ଛାତ୍ର ପ୍ରତିବାଦକାରୀଙ୍କ ବିରୁଦ୍ଧରେ ପୋଲିସ କାର୍ଯ୍ୟାନୁଷ୍ଠାନ, ଦୁର୍ନୀତି ଏବଂ ଏଫ.ସି.ଆର.ଏ ସଂଶୋଧନ ଭଳି ଶାସନ ପ୍ରସଙ୍ଗ ଉପରେ ବିରୋଧୀଙ୍କ ଧ୍ୟାନ ଦାୟିତ୍ୱ, ନାଗରିକ ସ୍ୱାଧୀନତା ଏବଂ କ୍ଷମତା ସନ୍ତୁଳନ ବିଷୟରେ ବ୍ୟାପକ ଚିନ୍ତା ପ୍ରକାଶ କରିଛି । ଜୁଲାଇ ୨୦ରେ ଦିଲ୍ଲୀ ପୋଲିସ ଯନ୍ତର ମନ୍ତରଠାରେ ଆନ୍ଦୋଳନରତ ଛାତ୍ରଛାତ୍ରୀଙ୍କୁ ପେଲେଟ୍ ବନ୍ଧୁକରେ ଟାର୍ଗେଟ କରିଛି, ଅନ୍ୟତ୍ର ଆନ୍ଦୋଳନକାରୀଙ୍କୁ ଏକେ-୪୭ ରେ ଟାର୍ଗେଟ କରାଯାଇଛି ଏବଂ ଲାଠି ପ୍ରହାର, ଲୁହବୁହା ଗ୍ୟାସ ପ୍ରୟୋଗ ସହିତ ଛାତ୍ରୀମାନଙ୍କ ପ୍ରତି ଅଶାଳୀନ ବ୍ୟବହାର ପ୍ରଦର୍ଶନ କରିଛି ଏହାକୁ ନେଇ ବ୍ୟାପକ ଚର୍ଚ୍ଚା ପରେ ଦିଲ୍ଲୀ ପୋଲିସ ଏବଂ କେନ୍ଦ୍ର ବିଜେପି ସରକାର ସମାଲୋଚନାର ଶିକାର ହୋଇଛି।

ଶିକ୍ଷାରେ ସଂସ୍କାର ପାଇଁ କେନ୍ଦ୍ର ବିଜେପି ସରକାର ବିରୋଧରେ ଦେଶର ବିଭିନ୍ନ ରାଜ୍ୟ ଗୁଡିକରେ ଉଠିଥିବା ଯୁବଶକ୍ତିର ସ୍ଵର ୨୦୧୯ ଜେଏନୟୁ ହିଂସା ଏବଂ ୨୦୨୦ କୃଷକଙ୍କ ପ୍ରତିବାଦ ଭଳି ଅତୀତର ଘଟଣା ପ୍ରତିଫଳିତ କରୁଛି । ପରୋକ୍ଷରେ ପ୍ରତିବାଦକାରୀଙ୍କ ଉପରେ କେନ୍ଦ୍ର ସରକାରର ଏପରି କଠୋର ଦଣ୍ଡନୀତିର ପ୍ରଭାବ ସରକାରର ଦୁର୍ବଳତା, ଅପାରଗତା ଓ ଅଯୋଗ୍ୟତାର ପ୍ରମାଣ ଦେଇଛି । ମନେହୁଏ, ବିଜେପି କେନ୍ଦ୍ରରେ ତିଷ୍ଠି ରହିବା ପାଇଁ ଏପରି ସ୍ୱେଚ୍ଛାଚାରିତା ଜାରି ରଖିଛି । ଅନ୍ୟପକ୍ଷରେ ଦେଶର ସରକାର ବିରୋଧୀଙ୍କ ରଣନୀତି ଯୁବପିଢିଙ୍କ ସୁରକ୍ଷିତ ଭବିଷ୍ୟତ ସହ ଜଡ଼ିତ ଏକ ଦାୟିତ୍ୱ ବୋଲି ଦାବି ଉଠିଛି । ଇଣ୍ଡି ମେଣ୍ଟ ପକ୍ଷରୁ ଗୃହମନ୍ତ୍ରୀ ଅମିତ ଶାହଙ୍କଠାରୁ ବିବୃତ୍ତି ଦାବି କରାଯାଇଛି, ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଓ ଗୃହମନ୍ତ୍ରୀ ଅମିତ ଶାହାଙ୍କୁ ସଂସଦ ଭବନରେ ଉପସ୍ଥିତ ରହି ମନ୍ତବ୍ୟ ରଖିବାକୁ ବିରୋଧୀ ଦାବି କରିଛନ୍ତି।

ଏତଦ ବ୍ୟତୀତ ରାମ ମନ୍ଦିର ଦାନ ଅର୍ଥ ଲୁଟ୍ ଭଳି ବିଭିନ୍ନ ପ୍ରସଙ୍ଗ ଉପରେ ବିରୋଧୀଙ୍କ ପଦଯାତ୍ରା ଏବଂ ଡାକ୍ତରୀ ପରୀକ୍ଷାରେ ଅବହେଳା ଭଳି ଦୁର୍ନୀତି ଅଭିଯୋଗକୁ ଶାସନରେ ବିଫଳତାର ନାରା ପ୍ରଧାନମନ୍ତ୍ରୀ ମୋଦୀ ଓ ଗୃହମନ୍ତ୍ରୀ ଶାହାଙ୍କ ଆଗରେ ଏକ ଚାଲେଞ୍ଜ ଭାବରେ ଠିଆ ହୋଇଛି। ଏଭଳି ସ୍ଥିତିରେ ଏନଜିଓ ଗୁଡ଼ିକୁ ଆସୁଥିବା ବିଦେଶୀ ପାଣ୍ଠିକୁ ନେଇ ଏଫସିଆରଏ ସଂଶୋଧନର ଭିନ୍ନମତ ଉଭୟ ସରକାର ଓ ବିରୋଧୀଙ୍କ ମଧ୍ୟରେ ଏକ ସ୍ୱତନ୍ତ୍ର ପ୍ରସଙ୍ଗ ଭାବରେ ଉଭା ହୋଇଛି ଯାହାକୁ ନାଗରିକ ସମାଜକୁ ଦୁର୍ବଳ କରିବାର ଏକ ପଦକ୍ଷେପ ଭାବରେ ଦେଖାଯାଇଛି ଏବଂ ଯାହା ବ୍ୟବସ୍ଥାଗତ ତ୍ରୁଟିର ଖୁଲାସା ହେବାର ଆଶଙ୍କାକୁ ଦୃଢ କରିଛି । ଅଖିଳେଶ ଯାଦବଙ୍କ ସମେତ ରାଜନୈତିକ ସମୀକ୍ଷକମାନେ ଘରୋଇ ସ୍ତରରେ ବିଦେଶୀ ଅବଦାନକୁ ସୀମିତ କରିବା ସହିତ ଭାରତୀୟ ସମ୍ପତ୍ତିକୁ ବିଦେଶକୁ ପ୍ରବାହିତ କରିବାର କପଟତାକୁ ଉଜାଗର କରିଛନ୍ତି।

ଏହି ରଣନୀତିଗୁଡ଼ିକର ଲକ୍ଷ୍ୟ ଗୃହ ମଧ୍ୟରେ ସରକାରର ଆଭିମୁଖ୍ୟ ସଂକ୍ରାନ୍ତରେ ସ୍ପଷ୍ଟ ଭାବେ ଅବଗତ ହେବା, ସରକାରଙ୍କ ସମେତ ଏଫ.ସି.ଆର.ଏ ସହ ଜଡ଼ିତ ସୁବିଧାବାଦୀ ଗୋଷ୍ଠୀଙ୍କର ଦୁର୍ବଳତା ଓ ନିରବତାର ଉଦ୍ଦେଶ୍ୟ ଉପରୁ ପର୍ଦ୍ଦା ହଟିବାର ସମ୍ଭାବନା ରହିଛି । ଆଗାମୀ ନିର୍ବାଚନ ସମେତ ବ୍ୟାପକ ରାଜନୈତିକ ପରିପ୍ରେକ୍ଷୀ ଏହି ମୁକାବିଲାମୂଳକ ପଦ୍ଧତିକୁ ଇନ୍ଧନ ଯୋଗାଇଥାଏ, ସରକାର ଓ ବିରୋଧୀଙ୍କ ମଧ୍ୟରେ ଅକାରଣ୍ୟ ସଂଘର୍ଷକୁ ଉଜାଗର କରିଥାଏ । ସଂସଦରେ ଏହି ଅଚଳାବସ୍ଥା ଶାସନର ବିଫଳତା, ନାଗରିକ ସ୍ୱାଧୀନତା କ୍ଷୟ, ରାଜନୈତିକ ରଣନୀତି ଏବଂ ଅବିଶ୍ୱାସ ପରି ଜଟିଳ ପ୍ରସଙ୍ଗଗୁଡ଼ିକୁ ପ୍ରତିଫଳିତ କରିଛି । ଯଦିଓ, କିଛି ଘଟଣା ଅତିରଞ୍ଜିତ ହୋଇପାରେ, ତଥାପି ସରକାର ଅଧୀନରେ ପ୍ରଚଳିତ ସ୍ୱେଚ୍ଛାଚାରୀ ପ୍ରବୃତ୍ତି ଏବଂ ଗଣତାନ୍ତ୍ରିକ ମାନଦଣ୍ଡର ଦୁର୍ବଳତା ସମ୍ପ୍ରତି ଗଭୀର ଚିନ୍ତାର ବିଷୟ ହୋଇଛି।